#309

Teg’amatwi se bene data.

Umuco

Couplet 1

Teg’amatwi se bene Data, ndababwire ikintu nabonye; n’umugore w’indegeteranyi, ./.yicaye ku mazi menshi./.

Refrain

Yaragiye, ku misozi, yubakako amazu yiwe. Aragenda no mu biyaya yubakaho amazu yiwe, amwe n’ay’ abakobwa biwe, (akayit’ insengero z’Imana) Kand’ ariyo avugiramw’ ibinyoma, (akayit’ insengero z’Imana) kand’ ariyo asambaniramwo, (akayit’ insengero z’Imana.)

Couplet 2

Uwo mugore w’indegeteranyi, abunda ku mahwane y’inzira; ategera imburabwe nge, ./.azizimirish’ ibinyoma vyiwe./.

Refrain

Ababwira, ko har’ Imana zitatu zirimw’ Imana Imwe. Ababuza, kubatizwa, mw’Izina rya Yesu Kristo. Ngw’ igihe c’Intumwa caraheze, (abahendesh’ akarimi keza) Bagafatwa nk’ inyon’ igwa mumutego, (abahendesh’ akarimi keza) inzu ziwe n’inzir’ ija mu kuzimu, (abahendesh’ akarimi keza.)

Couplet 3

Erega na jewe se bene Data, uwo yari yaranyifatiye; nahabony’ Ubuntu bwa Yesu, ./.Bwanteguye mumutego wiwe./.

Refrain

Ewe Yesu, Mana yanje, Warakoze ko Wambohoye; Wambohoj’ isezerano ryawe, ryo muri Malaki kane, nca mbona ko Imana ar’Imwe: (N’Izina Ryayo kw’ari Rimwe) Nzokora vyose mw’Izina Ryawe: (N’Izina Ryayo kw’ari Rimwe) Kugez’ Igihe co kugusanganira: (N’Izina Ryayo kw’ari Rimwe.)

Couplet 4

Ababohowe, n’Ubuntu bwayo barasohoka bakav’ iwe, abizigitiriyeyo bakagwayo. ./.Hunga ncut’ umwany’ ukiriho./.

Refrain

Hari n’abandi bisubizayo, kubera vino yuwo mugore; yaboreje, amahanga menshi; bakagiriranir’ amasezerano n’isi; bagacika abakobwa biwe; (kand’ igihe gihita cihuta) -Bakibagira iva hasi ryabo; (kand’ igihe gihita cihuta) -Kubera amaronko y’iy’isi; (kand’ igihe gihita cihuta.)