#303

Yemwe shengero muze dusab’ubwenge

Umuco

Couplet 1

Yemwe Shengero muze dusab’ Ubwenge, kugira ngo tumenye, ivyo dukora. Umwami Yesu atwugurur’ amatwi, aduhumur’ amaso tubon’ Umuco.

Birababaje Shengero birababaje; kubon’ umuntu Imana Yiremeye, ikamuh’ ubwenge n’amatwi yo kwumva, Arikw’ akazorimbuka birababaje.

Abenshi cane, bamaze gut’ Inzira, y’Umucunguzi wacu, Yesu Kristo. Bateg’ amatwi, amajambo ya gipfu, aho guteg’ amatw’ ivya Bwenge.

Birababaje Shengero birababaje; kubon’ umuntu Imana Yiremeye, ikamuh’ ubwenge n’amatwi yo kwumva, Arikw’ akazorimbuka birababaje.

Umuco waramaze kwaka mur’ iki gihe, ariko benshi, ntibawubona. Abandi nabo, bakizib’ amatwi yabo ngo ntibumv’ Ijambo ry’Ubuhanuzi.

Birababaje Shengero birababaje; kubon’ umuntu Imana Yiremeye, ikamuh’ ubwenge n’amatwi yo kwumva, Arikw’ akazorimbuka birababaje.

Mur’iki gihe, iy’Ijambo rishitse, benshi baca bavuga, ngo nico kimwe; bakabona ko, vyos’ar’ ibintu bisa, kuko batarahumuk’ amaso.

Birababaje Shengero birababaje; kubon’ umuntu Imana Yiremeye, ikamuh’ ubwenge n’amatwi yo kwumva, Arikw’ akazorimbuka birababaje.