#219

Mwami wanje umpumure amaso

Umuco

Couplet 1

Mwami wanje umpumure amaso, mbon’inzira ica k’umusaraba, niy’ishikana mw’ijuru ku Mana, niho tuzorangiriz’ urugendo, turirimbe tugushime.

Har’inzira nyinshi cane, zica ku musoz’unyerera, zimanuka zij’ikuzimu, benshi nizo ba camwo.

Mbeg’iyo nzira imeze gute, yuzuy’umuco mwinshi cane, n’abayicamwo bameze gute, n’abahawe gucika abanab b’Imana, bavutse ubwa kabiri.

Har’inzira nyinshi cane, zica ku musoz’unyerera, zimanuka zij’ikuzimu, benshi nizo ba camwo.

Benshi baseng’Imana ariko inzira, ntibayibona, benshi bakunda Imana arikw’inzira ntibayibona ar’inzira y’ukuri kand’ishikana mu bugingo budashira.

Har’inzira nyinshi cane, zica ku musoz’unyerera, zimanuka zij’ikuzimu, benshi nizo ba camwo.

Wibuk’Isirayeli igeze mu bugaragwa, yari kumwe n’inkingi y’umuriro, yari kumwe na Mose umuhanuzi? Arikw’inzira ntibayibona.

Har’inzira nyinshi cane, zica ku musoz’unyerera, zimanuka zij’ikuzimu, benshi nizo ba camwo.

Batuka Mose inkingi ihari, bagator’amabuye inkigi ihari, bama bidodomba ibihe vyose, amaso yabo ntiyabon’Imana, kand’ariyo yari yarabahamagaye.

Har’inzira nyinshi cane, zica ku musoz’unyerera, zimanuka zij’ikuzimu, benshi nizo ba camwo.

Mwami fash’Ishengero ryawe twugurur’amaso tubone, tubon’inkingi y’umuriro, n’ukunt’irongor’ishengero m’ukuri kwose, dufashe Mwami tukuyoboke.

Har’inzira nyinshi cane, zica ku musoz’unyerera, zimanuka zij’ikuzimu, benshi nizo ba camwo.