#826
Mwami Mana reka je ngushime
Umuco 2
Couplet 1
Mwami Mana reka je ngushime Mwami Yesu kandi nguhimbaze Kuko Mana wangiriy’ubuntu Kandi Yesu ntari ndabikwiriye Ewe Mwami wanj’ushimwe cane Ubu n’ibihe bidashira.
Couplet 2
Mana yanje uko je ndi kwose Unshoboze kwama nguhimbara Mu kwumvir’ijambo ryawe ryose Ndaribemwo maze rindongore Mu nzir’ijana mu bwami bwawe Ubwo wateguriy’abawe.
Couplet 3
Nzoshikayo ni niyanka rwose Nkimatanya n’Umwami yankunze Nkasig’inyum’ivyo mw’isi vyose (wee) Nkab’umwe n’Umwami Yesu Kristo Mu kwitondera ijambo ryose Niho nzobasha kuzamurwa.
Couplet 4
Nawe Mukundwa wanje mu Mwami Urabwirwa kwiyambura vyose Kugira nawe uzomubone (wee) Ah’azob’aje gutor’abiwe Ntuzosange wasigaye ncuti Kandi wari waburiwe kenshi.
Couplet 5
Mwami wanje reka je ngusabe Kandi Mana yanj’unyumvirize Udufashe twe (a) banyantege nke (wee) Kugira Mana twikunkumure Ibitaberey’imbere yawe Tubone kub’abana Jambo.
Couplet 6
Ibikwiriye vyose twarabibwiwe Ntanakimwe tuzokwireguza Ni tutumvir’ijwi ry’Umwungere (wee) Rivugira mw’ishengero ryayo Ridusaba kwama twiteguye Nkuk’Umugeni yiteg’Umukwe.
Couplet 7
S’igihe co kwidibamira mw’isi S’igihe co gukwegana n’ingeso mbi S’igihe co kurab’ivyo mw’isi (oyaa) N’igihe co kub’umwe n’Ijambo Maze tuker’imbuto z’Ijambo Tukerekana hos’Ijambo.