#822

Urampa Mana iherezo ryiza

Umuco 2

Couplet 1

Urampa Mana iherezo ryiza Urampa Mana kuzokubona Ico nic’umutima wanje wipfuza Urampa kurangiza neza.

Nta handi nabony’ubuhungiro Atari mw’ijambo ry’Imana Niryo gusa rizonshoboza Gushik’isiyoni mw’Ijuru.

Urampa Mwami gushing’intahe Naho ntovug’amajambo menshi Arikw’Ijambo riri muri jewe Ab’ariryo ryiyerekana.

Niho nzoba mbay’icete cawe Kigushingir’intahe hose Muvyo mvuga no muvyo nzokora Nerekan’akaranga kawe.

Ewe mukundwa wanj’uri hano Tubwirwa kenshi kwumvir’Ijambo Tube mur’iryo rituyobore Tuzobashe gushik’iwacu.

N’utaba mur’iryo ntuz’umbaze Ntuz’uvuge sinaburiwe Ah’uzosigara mur’iy’isi Ntuze wicuz’ut’iyo menya.

Ewe Mana yanje y’Urukundo Ngusavye kwam’uri hafi yanje Kugir’unshoboze kwitegura Nzobashe kugusanganira.

Ah’uzob’uje gutor’abawe Tuj’aho waduteguriye Muri wa Murwa Yerusalemu Aho tuzama duhimbaza.