#696

Kuba mur’iyi si

Umuco 2

Couplet 1

Kuba mur’iyi si je biranduhije, Mwam’Ukore vuba nigir’ iy’Iwacu, Kuko ndarambiwe no kuba mu mahanga, Ndakumbuye Iwacu mu Buruhukiro.

Yesu gir’Imbabazi, raba Umwiza turimwo, Hageze ko dutaha twigire Kuruhuka, Mukiza nudutunganye.

Ni Wewe Washimye ko duca mur’iyi si, Ndakwinginze Mwami Umpe Kunesha, Kugira nze ndagwe Ivyasezeranywe, Nshikire Icatumye Umpamagara.

Mutima wanje rema, Yesu Yiteguye vuba, Kunshitsakw’ imigabo, imigabo y’Urukundo, Kuko Arazi ivyo dukeneye.

N’Umfat’umutima wanj’ Uwuzirikire, Mu Masezerano Wansezeraniye, Wansezeraniye k’Uzoza Kuntora, Iryo Sezerano ndaritegereje.

Nyambik’Ibigwanishwa Umukristo akeneye, Ngwane n’Umwansi wanje, ambuz’ Isezerano nahawe n’Umukwe wanje.

Umutima wanje urahahamiye, Kukubona Mwami amaso mu yandi, Nicaranye na We ku Ntebe y’Ubwami, Uramfasha Mwami Umpe Kunesha.

Umpe kuguma mu Kuri kw’Ijambo Rihishuwe, Menye Ukugomba kwawe kunshitse ku Kunesha, Mukiza nubimpe vyose.

Uncisha mu bihe bitandukanye, Kugira mmenye Urukundo rwawe, Urampa kumenya n’ico Unshakako, Kugira ngo ngende nk’uk’Ubishaka.

Nshaka kuguhimbara, ariko intege nke zituma nkor’icaha, ariko ntabigomba, Mwami Yesu Umpe Inkomezi.