#695
Haleluya mfasha gushim’imana
Umuco 2
Couplet 1
Haleluya mfasha gushim’ Imana yacu, Yatuzigamye mur’uyu mwaka wose, Yarinz’Ihanga Ryayo gushits’uyu musi, {Ishimwe ni rib’iryay’ Ibihe vyose.} x2
Couplet 2
Mbega mvuge nte ngo nshimir’ Imana yanje, Nobur’ amajambo nobisiguramwo, Yarindiy’ umwe wese mu Rugendo rwiwe, {Icubahiro n’Iciw’Ibihe vyose.} x2
Couplet 3
Himbaz’Imana vyaremwe vyo mw’isi yose, Duh’Icubahir’ Iman’iganza vyose, Ivyo Yakoze nta vyo twovug’aka kanya, {Birengey’ ubwenge bwacu, Haleluya.} x2
Couplet 4
Vyaremwe vyose muze Dushimire Yesu, Bashitsi, basangwa tuvuz’ Impundu, Imana yacu n’Imana y’Inyarukundo, {Eka nta na kimwe twoyigereranya.} x2
Couplet 5
Warindiy’Abana bawe mw’Ijambo ryawe, Ihanga ryawe twese twuzuy’ Ishimwe, Dufatanye kumw’ Intumwa zagize kera, {Dukomez’ ubumwe bwaranz’ Ishengero.} x2
Couplet 6
Ijambo ry’Ukuri ni ryo Ryaranz’ Intumwa, Basangiye vyose bahuj’ imitima, Bari bambay’ akaranga k’Imana yabo, {Basinziriye bafis’ intahe nzima.} x2
Couplet 7
Dusavye Mwami kub’umwe n’Ijambo ryawe, Mu myaka yose yob’ikitur’ imbere ya Nkingi y’Umuriro Yam’ituj’ imbere, {Gushika wa Musi Tujanywe mw’Ijuru.} x2