#686

Igihe tugezemwo

Umuco 2

Couplet 1

Igihe tugezemwo kirakomeye, N’igihe co kuba maso cane; Kukw’ Imbur’ ivugira hagati yacu, Ivuga k’Umwam’ Agir’Aze.

Nidukanguke bene Data bakundwa, Dutegerez’uwo Mwami wacu; Az’Asange twambay’ Ukugororoka, Gutangwa n’Ijambo Ryiwe gusa.

Gir’Ubuntu Mana y’Imbabazi nyinshi, Gir’Ubuntu duhabw’ Inkomezi; Zo kunesh’ Intambara ducamwo zose, Mu gihe tukiri muri iyi si.

Nidukanguke bene Data bakundwa, Dutegerez’uwo Mwami wacu; Az’Asange twambay’ Ukugororoka, Gutangwa n’Ijambo Ryiwe gusa.

N’ubwo duhura n’ibitugerageza, N’ingorane zikiyongeranya; Niduhang’ amaso mw’Ijuru ku Mana, Ni ho hav’Intsinzi y’Abizera.

Nidukanguke bene Data bakundwa, Dutegerez’uwo Mwami wacu; Az’Asange twambay’ Ukugororoka, Gutangwa n’Ijambo Ryiwe gusa.

Ewe Mana n’Urab’Ishengero Ryawe, Uhez’ Uturamire Mana yacu; Twer’imbuto ziguhimbara Mukiza, Tubone gushingir’ intah’abandi.

Nidukanguke bene Data bakundwa, Dutegerez’uwo Mwami wacu; Az’Asange twambay’ Ukugororoka, Gutangwa n’Ijambo Ryiwe gusa.

Nitwaramuka tugez’aho kunanirwa, Ni W’Uzotuber’ Uburuhukiro; Nituger’ah’ uruzuba ruba rwinshi, Uz’Utuber’ Ubwugamo Mwami.

Nidukanguke bene Data bakundwa, Dutegerez’uwo Mwami wacu; Az’Asange twambay’ Ukugororoka, Gutangwa n’Ijambo Ryiwe gusa.

Yesu Kristo ur’Igitandara canje, Ur’Inkinzo yanje ku Rugamba, Uri n’Ubwihisho jewe Nihishamwo, Eka uri Vyose ku Bawe bose.

Ntaco nzotiny’Uri ku ruhande rwanje, Ntaco nzotiny’Uri hafi yanje; Ntaco nzotiny’Uri kumwe nanje Mwami, Eka ntaco nzotinya Mucunguzi.