#685
Mbega wa mukristo umaze imyaka
Umuco 2
Couplet 1
Mbega wa Mukristo, umaz’ imyaka myinsh’uri mw’Ishengero ry’Imana, Harageze k’urimbur’ ibikorwa vyawe, Ukaraba ko vyose wabitunganije, Kukw’igihe gisigaye ari gito cane, Ntutwarwe n’ibihend’ amaso... Kukw’ivyo ar’ibironder’ Ubugingo, Kugira ngo buje mu Mwiza.
Refrain
Tube maso bagenzi (tubon’ Igikorwa c’Imana), Turonder’ Uhoraho (uyu musi bigishoboka), Tugendere mu kuri (uyu musi bigishoboka), Kuko harih’Ubuntu ({Haracariho, n’Imbabazi.} x2)
Couplet 2
Har’igihe kenshi ivy’Ubugingo, Tuvyumva nk’imigani, Ariko s’imigani habe na gato, Tubikiw’ Ibitsibo iyo mw’Ijuru, Ni twakorera Umwami wacu Yesu, Tukagenda twumvir’ Ijambo... Imitima yacu igaca bugufi, Tukagenda twumvir’ Imana.
Refrain
Tube maso bagenzi (tubon’ Igikorwa c’Imana), Turonder’ Uhoraho (uyu musi bigishoboka), Tugendere mu kuri (uyu musi bigishoboka), Kuko harih’Ubuntu ({Haracariho, n’Imbabazi.} x2)
Couplet 3
Haracar’Ubuntu ariko bagenzi, Ntituz’igihe cabwo, Ni co gituma tudakwiye kwanjanjwa, Turonder’ Amavuta yo ku ruhande, Kugir’ Amatara yacu ntazozime, Ng’Umukwe ntazotwugarane, Ntituze tumere nka vya bijuju, vyagiz’ umwete muke cane.
Refrain
Tube maso bagenzi (tubon’ Igikorwa c’Imana), Turonder’ Uhoraho (uyu musi bigishoboka), Tugendere mu kuri (uyu musi bigishoboka), Kuko harih’Ubuntu ({Haracariho, n’Imbabazi.} x2)
Couplet 4
Iyo ndiko ndaba iyi si ya none, ingen’ij’ Ikuzimu, Ni co gituma twebw’ Abana b’Imana, Dukwiye kuba magabo cane rwose, Tukamatana n’Ijambo ry’Igihe cacu, Tukaraba ku Musaraba, Tukagwan’ Urugamba rw’uyu mubiri, Kuko uraduhenda cane.
Refrain
Tube maso bagenzi (tubon’ Igikorwa c’Imana), Turonder’ Uhoraho (uyu musi bigishoboka), Tugendere mu kuri (uyu musi bigishoboka), Kuko harih’Ubuntu ({Haracariho, n’Imbabazi.} x2)
Couplet 5
Ivy’uyu mubiri biraduhenda cane, Nimuvyumve bakundwa, Ni twashika no Ku musi wo guc’Imanza, Uyu mubiri ntabw’ uzoduherekeza, Uzoba wisubiriy’iyo wavuye, Naw’uzoba uriko urabazwa, ivy’uzoba wakoreye mu mubiri, Ni vyo bizokumaramaza.
Refrain
Twiyambur’umubiri, (N’akamere kacu kose), Twiboner’ Umukiza, (Maze twironker’ Ubugingo), Kugira ngo tugwane, (Kandi turafis’intsinzi), Nta nkeka tuzoshika, ({Twibanire na Yesu Kristo.} x2)