#682

Eh’umwami araje kutujana

Umuco 2

Couplet 1

Eh’ Umwami Araje kutujana, Abizera twese ngo tugende, Iwacu mw’Ijuru aho twahoze, Turuhuke ubutame bw’isi.

Abashak’iwabo ngo tugende, Mureke kurab’ ivy’i Sodomu, Mutazomera nka muka Loti, yakunz’ivyo mw’isi, bimutuma ahinduka inkingi y’umunyu.

Twari twarabwiw’ Ibimenyetso, Bitwereka yuko turi hafi, Gutah’ Imuhira mu Gihugu, Kimwe gitemb’ amata n’ubuki.

Nimurabe nez’ukw’isi igenda, Murabe n’Ijambo uko rivuga, Musanga ata gihe dusigaje, Co gushir’ imitima ku vy’isi, Tugende nk’abazi iyo baja.

Nimurabe neza bene Data, Harih’ igipfungu kizibira, (U)mugeni wa Kristo ukamenga, Ntazi neza ibimukwiriye.

Niduhang’amaso Umusaraba, Kuko ni wo waduhay’ Intsinzi, Ku musozi wer’i Gologota, Hamw’ Umwami Yesu Yavug’ati: “Intsinz’ ihaw’Abizera bose”.

Nimurab’ukw’ibihe bigenda, Muhang’ amaso Isirayeli, Umusukon’ uratotahaye, Uwizera yiyubare cane.

Nitureke vyose twumvir’ Ijambo, Kuko ni wo Mwambaro w’Ukuri, Umukwe Yahaye Umugeni, Ni naw’Azoraba kuri Wa Musi, Bitum’ Ameny’ Umugeni Wiwe.