#634

Mpisemwo guheba ivy’iyi si

Umuco 2

Couplet 1

Mpisemwo guheb’iv’iyi si, Kukw’ar’ ivy’igihe gito cane, Mbikiw’ Umunezero mwinshi, N’uko ndawubon’ agace gato.

Ni kubw’uyu mubiri umbuza kwibonera, Umunezero mwinshi cane, Nzonezerwa mw’Ijuru.

Numva mfis’amahoro menshi, N’ubwo kuba kw’isi bitoroshe, Ariko nakunzwe n’Umwami, Ni co gituma mfis’umunezero.

Kukw’akazôzá kanje ar’Ukubaho neza, No kubana na Bene Data, Batanguy’iyi Nzira.

Mbega mwene Data mukundwa, Wob’uz’ igihe turimw’uyu musi? (I)ki gihe ntucitiranye n’ibindi, Kukw’ Agakiza kari hafi cane.

N’igihe c’Urugamba tuba maso bakundwa, Twim’ amas’ ibidusamaza, Ntitubur’ Agakiza.

Nimurabe mwese bagenzi, Ibimenyetso vyinshi twabwiwe, Vyinshi n’ivyamaze gushika, Hasigay’ ibimenyetso bike.

Har’ivy’Iman’ireka biba hagati yacu, Kugira ntihagire ico tuzokwireguza.

Dukanguke cane bana b’Imana, Duhebe ivy’iyi si bisamaza, Tugir’ Urukundo mu mitima, Rwo gukund’ Iman’uko turi kwose.

Dukunde bene Data ko dusangiye vyose, Dusangiye umubabaro, hamwe n’umunezero.

Ko twateguriw’Ubwami bumwe, (U)Mwami Yes’Akaducungura twese, Tukaba turi mu Nzir’imwe gusa, N’iki codutuma ducanamwo?

Ntaho vyodushikana, (Ku)kw’Iman’ Ar’Urukundo, Ntaho twoba duhuriye, (N’U)Mwam’ Imana Nzima.

Ewe Mwami Mana Ihoraho, Wibuke kw’Ari Wewe Wadukunze, Ntaco twakoze ngo Tub’Abawe, Vyose vyavuye mu Kugomba kwawe.

Nibibe uk’Ugomba, (I)co dushaka ni kimwe, N’urwo Rukundo rwawe Mwami, Kukw’Ari Wew’Ubwawe.