#580
Mana yera, Mana y’abazima
Umuco 2
Couplet 1
Mana Yera, Mana y’abazima, Wisakaj’ Icubahiro cinshi, Ub’aher’ Ahirengeye cane, Ubana n’abaciye bugufi; {Kugira ng’Ubihishurire.} x2
Couplet 2
Ur’Imana y’Aburahamu, na Basokuru bo mu Kwizera, Bagendanye n’Imana Nzima, Bagwaniy’ Ukwizera kuzima; {Kumwe kwatanzwe rimwe risa.} x2
Couplet 3
Bar’Ingenzi na kavantara, Bari baratey’is’ umugongo. Isi yababerey’ ikibambwe, ku bw’ugukunda Umwami Yesu; {Baratanz(e) ubugingo bwabo.} x2
Couplet 4
Basinziriye bitez’ inzamba, Baryamye bitez’ Isezerano, yuk’Umucunguz’ Azogaruka. Umwami Yesu Ntamaramazwa, {Kubitirir(a) Izina Ryiwe.} x2
Couplet 5
Bamwe basize icubahiro, Bacokoranwa n’Abana b’Imana, Bemera gusiga ivy’iyi si. Kuko barons’ ikibirengeye; {Ni co kumenya Yesu Kristo.} x2
Couplet 6
Bageragereshejw’ ibimoko, Baca mw’irinde n’akaga kenshi. Abandi baricishw’ amabuye, Barashingira intah’Ukuri; {Ni ryo Jambo Badusigiye.} x2
Couplet 7
Ijambo ryavugishijwe ryose, Nta na rito ryabakorokanye, Kristo Yarabambitse Ubwiza, Abatwikiriz’ Ubushobozi; {Bwo kugenda banesh’ Umubi.} x2
Couplet 8
Bararuhutse nk’Abahizi, Hari n’ivyiza bategereje. Babikiwe Ibitsibo vyinshi, Imana Yababoney’Iciza; {Ko Batunganywa turi kumwe.} x2