#572

Kuri wewe Mana yanje

Umuco 2

Couplet 1

Kuri Wewe Mana yanje, Ni ho nunamurir’ amaso yanje, Wew’Uvyagiye mw’Ijuru; {Nanje nkaba mur’iyi si mbi, Kuri Wewe ni ho mpanz’ amaso.} x2

Couplet 2

Nkukw’amaso y’abashumba, bayahang’ ukuboko kwa shebuja, Ni kw’amaso yanje nyene, {Ndayatumberej’ Uhoraho, gushits’ah’ Azongirir’ ikigongwe.} x2

Couplet 3

Man’ivyiyumviro vyawe, N’ivy’igiciro kinini kuri jewe, Nari mu migabo yawe, {Kuva ker’is’ itarabaho, ndiho kubw’ Ugutoranya kwawe.} x2

Couplet 4

Ugusenga kwanje Mana, Gushirw’ imbere yawe Mana yanje, Nk’umubav’ umota neza, {Kand’urinde n’akanwa kanje, mvuge ibitagir’ agasembwa.} x2

Couplet 5

Ramvur’ Ukuboko kwawe, Wigish’ amaboko yanje kurasana, kuk’ Umwans’ adahunyiza, {Umpe no ku Nkomezi zawe, Mbone kumutsind’ amaramare.} x2

Couplet 6

Nyigisha gukor’ ivy’Ugomba, Ngira muzima ku bw’Izina ryawe, Mpwemu wawe mwiz’ andongore, {Kand’ Anshoboze gutsindaza, Mu Nzir’irashe yo Kugororoka.} x2