#535

Ijambo ryawe Mana

Umuco 2

Couplet 1

Ijambo ryawe Mana, Ni ryo ryo kwizigirwa, Iry’utum’ Abasavyi bawe, Barihawe n’umumarayika, Maze bakaridushikiriza, Ritarimwo umwambiro, Ni vyo vyiyumviro vy’abantu.

Refrain

Amahoro... amahoro, Ava kw’Ijambo ry’Imana, Yuzure imitima yanyu, Ku bwa Yes’Umukiza wacu.

Couplet 2

Ijambo ry’ubushobozi, Ni ryo waduhayeko Mwami, Kugira ngo duhingurwe, Dushikir’ishusho ya Kristo, None turakwinginze Mwami, Duhe kurihesh’icubahiro, Maz’ivyera tubizigame.

Refrain

Amahoro... Amahoro, N’ubushobozi bw’Ijambo, Vyuzure mu mitima yanyu, Mushikir’intsinzi y’Umwami.

Couplet 3

Iryo Jambo bana b’Imana, Muryambare muryikwize, Ni ryo ritwambik’ubwiza, Umwans’abibony’agahunga, Ntashobore kuduhangara, Maze tukamukurikira, Tukamutsind’iy’ahungiye.

Refrain

Fat’ibigwanishwa mwese, Mwahawe n’Ijambo ry’Imana Mwambare inkomezi zanyu, Mukur’uwo mwansi mu nzira.

Couplet 4

Tuj’i Siyoni mw’Ijuru, Ntawugeray’ atanesheje, Mu mutima wawe habits’iki? Gir’umwet’abandi baragiye, Begerej’ibirimba vy’ijuru, Na vyo vyiteguye kubakira, Ni ho buruhikiro bwabo.

Refrain

Tuzonezerwayo twese, Kubanayo n’Umukiza, Dusangire ku meza yiwe, Turirimb’indirimbo nziza.

Couplet 5

Mana yacu y’ikigongwe, Duh’umwete udukwiriye, Nk’uwo wahaye Gideyoni, Samusoni na Eliya, N’abandi babay’abahizi, Mu gikorwa wabajeje, Bagendanye nawe vy’ukuri.

Refrain

Iryo ni ryo sengesho ryacu, Mana n’uryakir’ Utwumvire, Dutumberey’ Isezerano, Kuko tuzi k’Utivuguruza.