#534

Bene data nitwibuk’umuhamagaro

Umuco 2

Couplet 1

Bene Data nitwibuk’ umuhamagaro wacu Imana Yaradukunze kubw’ imbabazi zayo, Itubohesh’ umugozi w’Urukundo rwinshi, Itugir’Abana bayo b’Imfura bwite.

Refrain

Ewe Mugeni, bugiye kwira mw’isi, Niwitegur’ uz’ugende gusanganir’ Umwami, uje mu Gihugu c’Isezeran’ iwanyu, ahar’ Umuc’ uhoraho.

Couplet 2

Ijambo ry’Imana niryo ryama riduhanura Ngo twitandukanye n’ivyanduye vyo mw’iyi si Umwami Yes’atuj’imbere, ni W’aturongora, Tugende tumuyoboka tumuhimbara.

Refrain

Ewe Mugeni, bugiye kwira mw’isi, Niwitegur’ uz’ugende gusanganir’ Umwami, uje mu Gihugu c’Isezeran’ iwanyu, ahar’ Umuc’ uhoraho.

Couplet 3

Duca mw’isi y’imiruho ariko ntitunanirwa Dukomez’ Urugendo turirimb’ ishimwe, Iyadusezeraniye n’iyo kwizigirwa, ku mpera y’uru Rugendo tuzoruhuka.

Refrain

Ewe Mugeni, bugiye kwira mw’isi, Niwitegur’ uz’ugende gusanganir’ Umwami, uje mu Gihugu c’Isezeran’ iwanyu, ahar’ Umuc’ uhoraho.

Couplet 4

Twahamagawe n’Umwami aduh’ Ubugingo Ivyahishijw’ abanyabwenge n’abahambaye, Ibihishurir’ Abana bato Yatoranije,

Couplet 5

Ngw’Amasezerano Yiw’Ayashitse yose.

Refrain

Ewe Mugeni, bugiye kwira mw’isi, Niwitegur’ uz’ugende gusanganir’ Umwami, uje mu Gihugu c’Isezeran’ iwanyu, ahar’ Umuc’ uhoraho.

Couplet 6

Ku bw’ivyo Bana b’Imana, dukwiye kwiyubara, kugira ngo ntitunanirwe kandi tukigenda, Tugir’ishaka n’umwete mu Rugendo rwacu, Tubone gushikira Ivyasezeranywe.

Refrain

Ewe Mugeni, bugiye kwira mw’isi, Niwitegur’ uz’ugende gusanganir’ Umwami, uje mu Gihugu c’Isezeran’ iwanyu, ahar’ Umuc’ uhoraho.