#532
Har’ahantu nasanze ubugingo
Umuco 2
Couplet 1
Har’ahantu nasanze Ubugingo, ni mw’Ijambo ry’Imana. Mpasang’ Abana b’Umuco, bamurikirwa n’Imana, bose bari mu Rugendo. Bagenda baririmba basenga, Indirimbo zo Kunesha, n’amasengesho yo gushima.
Refrain
Abo n’Abana b’Imana, baraja mu Bwami buhoraho, bakunzwe n’Iyabaremye, buzuy’ Ubwiza bw’Ihoraho.
Couplet 2
Iryo n’Ishengero ry’ab’Imana, ryahawe Mpwemu Yera, Rihabwa n’Ukwizera, kugira ngo ryumvire uwo Mpwemu; None ririho ritegereje kuzotahuka mw’Ijuru ahera, ni bwo Buruhukiro bw’Abera, mu Mugwa Siyoni w’Imana.
Refrain
Abo n’Abana b’Imana, baraja mu Bwami buhoraho, bakunzwe n’Iyabaremye, buzuy’ Ubwiza bw’Ihoraho.
Couplet 3
Mu gihe dutegerej’ Umwami, Umuremyi wacu Yesu Kristo, Tumutegereje twuzuye ukwihangana mu mitima, Twese dusab’ Uhoraho, ngw’aturindire mw’Ijambo twumva, kuko ni ryo Gakiza kacu, ndetse ni ryo Nkota y’Abera.
Refrain
None twese nidupfukame, Dusab’ Umwam’ Aduh’ukwizera, Atwongerez’ ivyizigiro, kugira ngo Tuzobane na We.
Couplet 4
Iryo Jambo tubwirwa bene Data, ni rimwe rya kera ryahozeho; Bene Data dusangiy’ Urugendo, n’abandi Bera bose ba mbere, na bo babony’ imibabaro myinshi bazir’iryo Jambo twumva. Ariko kuko bizeye, bahawe kunesh’ ibibi vyose.
Refrain
None nitugir’ukwizigira, Dusab’ Umwam’ Aduh’Agakiza, Adushoboze kwumvir’ Ijambo, ni bwo Tuzonesh’ ibibi vyose.
Couplet 5
Imana Yaducishije mu Nzira Yera arikw’ iruhije, Tuyisangamwo umusaraba, n’iyindi miruho myinshi cane. Arikw’ivyo ntibitubabaza, kuko n’Inzira y’Abera bose. Dufis’ abatwitangiy’ imbere, na bo nta yindi Nzira baciye.
Refrain
None twese nitwitunganye, Dusab’ Uhorah’ Atuj’imbere, maz’ishimwe n’umunezero bitahe mw’Ijuru ku Mana.
Couplet 6
Bene Data nitube maso, kuko mur’iki gihe ca nyuma, Dor’Umwam’ Akomeza kutwibutsa, ngo tuje twiyeza buri musi, natwe rero nitwitegure, dutunganye imitima yacu. Umwami Aracihanganye, kugira ngo dushikir’ Ukwezwa.
Refrain
None twese nitwitunganye, Dusab’ Uhorah’ Atuj’imbere, maz’ishimwe n’umunezero bitahe mw’Ijuru ku Mana.