#378

Ukuzuka kw’abera

Umuco 1

Couplet 1

Ukuzuka kw’Abera kuzoshika neza Ah’Abera b’Imana bazokwikangura Bazumv’inzamba y’i Siyoni ihamagara, {Binjire mu mazimano atazoshira.} x2

Tugwanir’ibir’imbere turek’ivy’inyuma Ducakir’ukwizera kw’Imana Nzima, Maz’iyi si n’ivyayo tubisig’inyuma, Twiyegerere Yesu dutunganye.

Abasinziriye ntituzobitangira, Bo bazobanza kuboneker’abizeye, Maze twese nko mu gukubit’urugohe, {Tuzozamurwa dusanganir’Umukiza.} x2

Tugwanir’ibir’imbere turek’ivy’inyuma Ducakir’ukwizera kw’Imana Nzima, Maz’iyi si n’ivyayo tubisig’inyuma, Twiyegerere Yesu dutunganye.

Ikimenyetso gikuru twese tuzumva, N’imitim’ihuzagizwa n’urukundo, Ijwi ry’ubutumwa rizoca riceceka, {Agahinda n’amarira ku batumvira.} x2

Tugwanir’ibir’imbere turek’ivy’inyuma Ducakir’ukwizera kw’Imana Nzima, Maz’iyi si n’ivyayo tubisig’inyuma, Twiyegerere Yesu dutunganye.

Abatitwararik’ivy’Ijambo rivuga, Ntibagir’amavuta y’Ubuntu bw’Imana Ku bw’ivyo bazosigara mu mibabaro, {Baziyeza gusa kubw’amaraso yabo.} x2

Tugwanir’ibir’imbere turek’ivy’inyuma Ducakir’ukwizera kw’Imana Nzima, Maz’iyi si n’ivyayo tubisig’inyuma, Twiyegerere Yesu dutunganye.

Ubutumwa bwose bumaze guceceka Iman’izohindukira Isirayeli, Basubire kunaga kuri ca gishitsi, {Ubuntu bw’Imana ntibugir’akagero.} x2

Tugwanir’ibir’imbere turek’ivy’inyuma Ducakir’ukwizera kw’Imana Nzima, Maz’iyi si n’ivyayo tubisig’inyuma, Twiyegerere Yesu dutunganye.

Umugeni wa Yes’azob’ari mu bukwe, Anezerewe cane kubana n’Umukwe, Hazoba har’isinzi ry’Abera bo mw’isi, {Indimi n’amahanga be n’amoko yose.} x2

Tugwanir’ibir’imbere turek’ivy’inyuma Ducakir’ukwizera kw’Imana Nzima, Maz’iyi si n’ivyayo tubisig’inyuma, Twiyegerere Yesu dutunganye.

Tumaze kwumv’ivyo yemwe bene Data, Iciza n’uko tutokwihendesh’amazu, Ariko tumenye neza yukw’abajayo, {N’abiyanka bakamatana n’Umukiza.} x2

Tugwanir’ibir’imbere turek’ivy’inyuma Ducakir’ukwizera kw’Imana Nzima, Maz’iyi si n’ivyayo tubisig’inyuma, Twiyegerere Yesu dutunganye.