#349

Nzokwama ntegereje Yesu

Umuco 1

Couplet 1

Nzokwama ntegereje Yesu, Umugabo wanje nkunda, Amfitiy’amazimano menshi, Ampembura iyo ndamusanze, {Sinkagir’ikindi nokwirata, Atari Yesu w’i Nazareti.} x2

Refrain

Ni We yambohoye mu buja, Anyambur’ udushambara tubi, Maz’Anyambik’ Umwambaro wera, Ni mwiza cane, urahimbaye.

Couplet 2

Urwo Rukundo rwiwe rwinshi, Rwansanze mw’iborero ry’ivyaha, Rwanshize ku bitugu vyiwe, Runshikana mu rugo kwa Data, {Sinkir’uwanje nd’uwa Yesu, Yamboheshej’imizana yiwe.} x2

Refrain

Kugez’igihe nzotabaruka, Nzoba nduhuts’imiruho y’isi, Izokurwaho n’Umwami Yesu, Aje gutwar’abizera bose.

Couplet 3

Noneho hahiriw’ umuntu, Ashir’ ivyizigiro muri We, Inkomezi ziwe zose, Zihagaze muri Yesu Kristo, {Uwo ntabwo azocibw’ivutu, N’amajambo y’abanyakibi.} x2

Refrain

Kukw’ameze nk’umusozi munini, Utanyiganyizwa n’umuyaga, Kand’ameze nk’igiti ciza, Gitewe ku migez’idakama.

Couplet 4

Nico gituma twese dukwiriye, Kwitwararik’Ijambo rivugwa, Kuko rimeze nk’umuco waka, Kugez’igihe Yes’azozira, {Ndetse mugira neza ncuti, Kuko mutaryirengangiza.} x2

Refrain

Uwo muco uratamanzuye, Nta mwiza na mukey’urimwo, N’Ubugingo bw’Umwami Yesu, Atuzanir’iyo tumwumviye.