#331
Iyi si iraruhije
Umuco 1
Couplet 1
Iyi si iraruhije, iyi si ni mbi, Mw’iyi si si h’i wacu, Ndashaka kuja mw’Ijuru, Umwami w’amahoro arikw’aratumira, Azoza kutujana muri Yerusalemu.
Refrain
{Har’Amahoro n’Umunezero, Umwami Yesu ni We, Buruhukiro bwaho.} x2
Couplet 2
Mw’iyi si sih’i wacu, twe twaje mu, rugamba, Tugwana na Satani, Intsinzi yarabonetse, Kand ‘ iyo ntsinzi mwumva ibonekera gusa, Mu maraso ya Yesu umugabisha wacu.
Refrain
{Ngo tumusange, mw’Ijambo ryiwe, Aduh’umunezero, Na ya ntsinzi y’ukuri.} x2
Couplet 3
Terez’amaso hirya, ureng’ibikurusha, Raba tuj’i Siyoni, Mu gihugu c’Imana, Nta vyakugerageje birenz’ukwihangana, Noneh’Umwami Yesu yam’ari hafi yawe.
Refrain
{Komez’inzira, y’Abera bose, Maze dusohorere, Mu bugingo budashira.} x2
Couplet 4
Iyi si ko yashaje, nimuze mwa ntore mwe, Tuyiter’ umugongo, Dusang’uwo Mukunzi, Iyi si yaraguye kuko yans’uwo Jambo, Kw’idandabagirana, nimuze tumusange.
Refrain
{Ni We Rukundo, ni We mahoro yawe, Nimuze tuj’iwacu, Iyi si yaranduye.} x2
Couplet 5
Ikangure tugende dukomez’urugendo, Bugiye kwira mw’isi, Tube maso bagenzi, Uwufis’ ic’abuze ngw’akomez’ Urugendo, N’asab’ Umwami Yesu, We Muvyeyi dufise.
Refrain
{Ni We Rukundo n’Umunezero, Nimuze tuj’Iwacu, Iyi si iraruhije.} x2