#135

Umuco uraka cane

Umuco 1

Couplet 1

Umuco uraka cane rwose, Ababona bakawubona, Abazimira bakazimira, Abakira bagakira, {Abasinzira bagasinzira, N’umuco w’Uhorah Imana.} x2

Refrain

Abana b’Imana barawukurikira, Waduga umusozi bakawukurikira, Ah’uciye niho baca, Uhagaze bagahagarara, Iy’ugiye bakagenda, N’umuco w’Uhorah’Imana.

Couplet 2

Uwo Muc’uraka cane rwose, Hari abawegereye cane, Har’abari kure yawo benshi, Bawubona agace cane, {Hakaba n’abawubona rwose, N’umuco w’Uhorah’Imana.} x2

Refrain

Abana b’Imana barawukurikira, Waduga umusozi bakawukurikira, Ah’uciye niho baca, Uhagaze bagahagarara, Iy’ugiye bakagenda, N’umuco w’Uhorah’Imana.

Couplet 3

Uwo Muco nanje ndi muri wo, Abari muri wo bose ndabazi, Ab’umwiza bari mu mwiza, Ab’umuco bari muco, {Nta ruvange ruri muri wo, N’umuco w’Uhorah’Imana.} x2

Refrain

Abana b’Imana barawukurikira, Waduga umusozi bakawukurikira, Ah’uciye niho baca, Uhagaze bagahagarara, Iy’ugiye bakagenda, N’umuco w’Uhorah’Imana.

Couplet 4

Ab’uwo muco usize bose, Basigara mu mwiza bose, Satani nawe akabakubita, Bakuzura amarira bose, {Uwo ubuntu bugendereye, Niw’asubira kuwubona.} x2

Refrain

Abana b’Imana barawukurikira, Waduga umusozi bakawukurikira, Ah’uciye niho baca, Uhagaze bagahagarara, Iy’ugiye bakagenda, N’umuco w’Uhorah’Imana.

Couplet 5

Uwo muco ntur’uruvange, N’umuco utamanzuye cane, Abari muri wo bose uko bari, Bihutira kubona wa mubi, {Ntawigera atsitara muri bo, N’Umuco w’Uhorah’Imana.} x2

Refrain

Abana b’Imana barawukurikira, Waduga umusozi bakawukurikira, Ah’uciye niho baca, Uhagaze bagahagarara, Iy’ugiye bakagenda, N’umuco w’Uhorah’Imana.