#111

Kwitwa ingenzi ntibihagije

Umuco 1

Couplet 1

Kwitwa ingenzi ntibihagije, Kumenya vyinshi ntibihagije, Kwitw’uw’Imana ntibihagije, Iy’utabona Ubwiza bw’Umwami.

Abiteze Uhoraho, Bama biyubura mu nkomezi nsha, Badugisha amababa nk’inkukuma, Bariruka ntibaruha, Baragenda ntibadendebukirwa.

Kwitw’umunyabwenge ntibihagije, Kuvuga ko wahamwe ntibihagije, Kwitw’uwakijijwe ntibihagije, Iy’utumv’ijwi ry’Umwungere.

Abiteze Uhoraho, Bama biyubura mu nkomezi nsha, Badugisha amababa nk’inkukuma, Bariruka ntibaruha, Baragenda ntibadendebukirwa.

Kwitw’umusoda ntibihagije, Iy’utagaragaza ivy’ubusoda, Kwitw’uwabonye vyinshi ntibihagije, Iy’utabona uwanesheje.

Abiteze Uhoraho, Bama biyubura mu nkomezi nsha, Badugisha amababa nk’inkukuma, Bariruka ntibaruha, Baragenda ntibadendebukirwa.

Uwubon’Umwami n’igikorwa ciwe, Agahang’amaso igikorwa ciwe, Uyo ni w’ahiriwe kuri wa musi, Umwami Yesu aje mu bicu.

Abiteze Uhoraho, Bama biyubura mu nkomezi nsha, Badugisha amababa nk’inkukuma, Bariruka ntibaruha, Baragenda ntibadendebukirwa.

Uwutamubona ntazomubona, Uwutabon’intambwe ntazozamurwa, Uwutabon’ Uwanesheje ntazonanesha, Nitwumv’ijwi ry’Ubuntu bigishoboka.

Abiteze Uhoraho, Bama biyubura mu nkomezi nsha, Badugisha amababa nk’inkukuma, Bariruka ntibaruha, Baragenda ntibadendebukirwa.