#293

Waducishije mu nzira

Umuco

Couplet 1

Waducishije mu nzira igoye, kuko ntawundi yari bwayicemwo, ariko wewe waraciyemwo, nanje nzoyicamwo nezerewe.

Kuko ivyo navyo biva ku Mana, Umujanama w’Igitangaza, Uhambaye mu Bwenge, Uhoraho nyen’Ingabo.

Iyo nzira ndende cane, kandi yuzuyemwo Sikoropiyo, amajwi yazo ni menshi cane, ariko ntaco warayanesheje.

Kuko ivyo navyo biva ku Mana, Umujanama w’Igitangaza, Uhambaye mu Bwenge, Uhoraho nyen’Ingabo.

Ivyo bintu biragoye cane, kuko sivy’inyama n’amaraso, ariko jewe narabimenye, kuko wamaze kubimpishurira.

Kuko ivyo navyo biva ku Mana, Umujanama w’Igitangaza, Uhambaye mu Bwenge, Uhoraho nyen’Ingabo.

None nawe mwana w’Imana, wiyubare ntuhendwe nayo majwi, kukw’ijwi nyaryo rir I Gologota, hamwe hashinze umusaraba.

Kuko ivyo navyo biva ku Mana, Umujanama w’Igitangaza, Uhambaye mu Bwenge, Uhoraho nyen’Ingabo.

Har’umusozi wateguwe, kuzoba uburuhukiro bwacu, ba Daniyeli barawumenye, abahizi bose barawuzi.

Kuko ivyo navyo biva ku Mana, Umujanama w’Igitangaza, Uhambaye mu Bwenge, Uhoraho nyen’Ingabo.

Uwo musozi ni mwiza cane, izina ryawo ni Yerusalemu, Umwami wawo ni Yesu Kristo, ni we aganza amahanga yose.

Kuko ivyo navyo biva ku Mana, Umujanama w’Igitangaza, Uhambaye mu Bwenge, Uhoraho nyen’Ingabo.