#283

Ivy’umuntu buntu gusa

Umuco

Couplet 1

Ivy’umuntu buntu gusa, vyose biba ar’ubusa (2x.)

Couplet 2

Ijambo ry’Imana rivuga, nta ciza kiri mu muntu.

Couplet 3

N’ubuntu twagiriwe gusa, nta ciza twari dufise.

Couplet 4

Ibibogaboga muri we, nivyo twahawe n’Umwami.

Couplet 5

Hashimwe izina ry’Umukiza, ni we yaducunguye.

Couplet 6

Nta rindi zina dukeneye, atar’iry’Umwami Yesu.

Couplet 7

Nta rindi shimwe dukeneye, atar’iry’Umwami Yesu

Couplet 8

Nta cubahiro dukeneye, atar’ic’Umwami Yesu.

Couplet 9

Nta n’ibikorwa dukeneye, bidakorewe mu Mwami.

Couplet 10

Nta n’amajambo dukeneye, atavugirwa mu Mwami.

Couplet 11

Twese nitwicishe bugufi, Umwami ashirwe hejuru.

Couplet 12

Twese nitub’abavukana, Umwami azoturongora.

Couplet 13

Nta majambo y’isi dukeneye, tuzohemberwa mw’ijuru.

Couplet 14

Uko dutama mur’iy’isi, niko tuzogororerwa.

Couplet 15

Tunih’iminiho itovugwa, twifuza ko Umwami yoza.

Couplet 16

Twemeje kub’abaruhijwe, tuzoruhuka mw’ijuru.

Couplet 17

Twemeje guheb’umubiri, n’ibiwunezereza.

Couplet 18

Twemejwe kurwanya kamere n’ivyo gahahamira.

Couplet 19

Dusavy’Umukiza adufashe, kurwan’intambara nziza.

Couplet 20

Dusavy’Uhoraho adufashe, tuze tugere mw’ijuru.