#812
Yesu yihishurir’abiwe
Umuco 2
Couplet 1
Yesu yihishurir’abiwe, arabahamagara Ati ngwino mwes’abananiwe, n’abareme-rewe, Ngwino kuri jewe mbaruhure, imitwaro yanyu, Kukw’atawundi yobishobora, kubakur’iyo mitwaro.
Refrain
Shimwa Mana yacu Yesu Kristo, Kw’ari wewe wihishurira Abana bawe, Kuko Mwami uwutakumenye agendera mu buzimire.
Couplet 2
Ntawuzi Umwana uwariwe, atari Data, Ntawuzi Data uwariwe, atar’Umwana, Nuw’Umwana yihishuriye, agaca abona umuco, Agaca abona ko Yesu Kristo, Ariwe Mana Ihoraho.
Refrain
Shimwa Mana yacu Yesu Kristo, Kw’ari wewe wihishurira Abana bawe, Kuko Mwami uwutakumenye agendera mu buzimire.
Couplet 3
Ncuti yanj’izere Umwami Yesu, niwe Mana Ihoraho, Kumuhishurirwa ivyo vyonyene, n’ubuntu bwiwe gusa, Kuko iy’umaze kumwizera, aguh’ubushobozi, Bwo kwitondera ijambo ryiwe, hamwe no kuribungabunga.
Refrain
Shimwa Mana yacu Yesu Kristo, Kw’ari wewe wihishurira Abana bawe, Kuko Mwami uwutakumenye agendera mu buzimire.
Couplet 4
Igisigaye nahawe ncuti, guhitamwo neza, Kuko Imana yacu twizeye, n’Imana y’amahoro, N’Uhoraho Imana isumba vyose, yaje kudukiza, Yadukuye mu rwobo rw’urupfu, Adushira mu Bwami bwiwe.
Refrain
Shimwa Mana yacu Yesu Kristo, Kw’ari wewe wihishurira Abana bawe, Kuko Mwami uwutakumenye agendera mu buzimire.
Couplet 5
Reka Mwami Yesu tugusenge, tukuririmbire, Kuko Mwami dufise igituma, tugushimagiza, Wamyeho, uriho kand’uzamaho, ibihe vyose, Ntawundi yari kuducungura, atar’Iman’Ihoraho.
Refrain
Shimwa Mana yacu Yesu Kristo, Kw’ari wewe wihishurira Abana bawe, Kuko Mwami uwutakumenye agendera mu buzimire.
Couplet 6
Ivyiringiro dufise Mana, turagutegereje, Guhagarara mu bicu Mwami, tukagusanganira, Kuko wewe utari umuntu, ngo wivuruze, Isezerano wasezeranye, ugomba kurishitsa vuba.
Refrain
Shimwa Mana yacu Yesu Kristo, Kw’ari wewe wihishurira Abana bawe, Kuko Mwami uwutakumenye agendera mu buzimire.