#809

Kwiyubura mu nkomezi nsha

Umuco 2

Couplet 1

Kwiyubura munkomezi nsha kenshi Nivyo biranga abana b’Imana Kuva mu bwiza twinjira mu bundi Birabereye abera b’ Imana.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.

Kwuzur’inkomezi za mpwemu yera Binesha akameremere kose Kwuzur’inkumbu z’Ubwami bw’Ijuru Bitum’Uzinukw’iy’isi n’ivyayo.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.

Kumar’igihe wizey’iri jambo Bigaragazwa n’ukunt’uter’intambwe Nib’uryizera cank’utaryizera Bigaragazwa vyose n’iri jambo.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.

Gupima vyose mw’ijambo ry’Imana Bitum’umwana w’Imana yiyubara Muvyo yokora vyos’agasuzuma Akabona ko bihuje n’ijambo.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.

Kwiyumva neza ukamenya neza Kur’umwana w’Iman’ataburyarya Bitum’ivy’ukora vyose wirinda Ugaharanir’ivy’Iman’ishaka.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.

Kumenya kw’iy’isi n’ivyayo vyose Ko har’igihe bizokamangana Nibitume uyiter’umugongo Uhang’amaso ibizohoraho.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.

Kwizera k’Umwami Yesu yabambwe Ases’amaraso ku bwawe nanje Binyemeza je mugeni yakoye Kw’agiye kuza tujane tubane.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.

Kwizera k’Umwami Yesu yazutse Akazamuka akaja mw’Ijuru n’isezerano yasiz’asezeranye kw’agiye gutegur’aho tuzoba.

Uzure ivyizigiro vy’Ijambo twizeye Ry’Umukiza Yesu; twamane inyota yiwe mumitima yacu.