#662

Kera nar’impumyi

Umuco 2

Couplet 1

Kera nar’impumy’ itabona, Mpura na Yesu Umunyakuri, Sinari nzi Imbabazi Ziwe, Ubuntu bwari bundi kure.

{Sinari nzi ko harih’Agakiza, Yesu gusa ni We Yankunze, Imbabazi ziwe zambayeho nyinshi, Arantoranya mb’umukunzi Wiwe.} x2

Kera nar’umunyabyaha mubi, Mpura na Yesu Arabinkiza, Nari mu Mwiza mwinshi cane, Nari nduhijwe n’ibyaha byanje.

{Ku bw’Ubuntu Bwiwe narabitsinze, Yesu ni We Yankunz’ Arankiza, None mu Maraso y’ukomeye, Ndagushima Mwami wanje Yesu.} x2

Ntaco natanze kugira ngo nkire, Ndishimira Amaraso ya Yesu, Nahuye na byinshi binaniza, Ku bw’uwo Mukiza narabitsinze.

{Ingabo z’Umubi Warazintsindiye, Ndagushima Wewe Mana yanje, Warokoye Ubugingo bwanje, Yes’Arankunda, n’Umukiza wanje.} x2

Mp’imbaraga n’Ukwizera Yesu, Nzagukorera ngihumeka, Nshire hejur’Izina ryawe Mana, Nkomereza mw’Ijambo Ryawe.

{Nikorer’umusaraba wawe, Nishimiye kubana Nawe Mana, Menyekanish’ Izina Ryawe Yesu, Abatakuzi bakumenye Mana.} x2

Ndagushima Mana y’Abera, Warinze twes’Abana Bawe, Udukiza abagorek’ Ijambo, Udukiza inama z’Abanyakibi.

{Abera nidushim’ Imana twese, Twame twibuka urwo Rukundo, Imana Duseng’ Irakomeye, Ni yo Mutabazi ku Bizera.} x2

Dushim’Imana twihanganye, Tugiye gutah’ Iwacu mw’Ijuru, Umukene n’ashim’ azatunga, Impfuvyi nizizishime zizabona SE.

{Abapfakazi Shim’Umwami Yesu, Ni We mugabo ùdukunda twese, Afise vyose ku Bamwizeye, Muri We n’Amahor’ Umunezero.} x2