#627

Twaratakamvye man’isumba vyose

Umuco 2

Couplet 1

Twaratakamvye Man’Isumba vyose, Ku bw’Urukundo rwawe Wadukunze, Wadukijije urupfu rwotwishe, Ubu Mwami Yesu turaririmba.

Turirimbe Haleluya! Mu mitima yacu huzuy’ ishimwe.

Duh’umwete Mana wo Kugusenga, Uduhe no gukoranira hamwe, Urabe n’abafis’ itiro ryinshi, Ubashoboze Yesu bakwizere.

Turirimbe Haleluya! Mu mitima yacu huzuy’ ishimwe.

Abagir’ubunebwe bwo gusenga, Maze bakabifata ibisanzwe, N’Ubereke yukw’ atar’ ibisanzwe, Ubabwire kw’ar’ Icagezwe cawe.

Turirimbe Haleluya! Mu mitima yacu huzuy’ ishimwe.

Har’ingabire nyinshi mw’Ishengero, Bamwe bahawe kuvug’ Ubutumwa, Abandi kugenda barahanura, Ubibutse yukw’ ar’Ijambo ryawe.

Turirimbe Haleluya! Mu mitima yacu huzuy’ ishimwe.

Har’abahamagawe kuririmba, Abandi gukor’ivyo mw’Ishengero, Abagomba kubifat’ ibisanzwe, Ubabwire kw’ar’ Icagezwe cawe.

Turirimbe Haleluya! Mu mitima yacu huzuy’ ishimwe.

Ubu tugusavy’utumar’ ubwoba, Tugukorere dufise umwete, Ni Wagaruk’ Usange twiteguye, Twambaye Mwami Ukugororoka.

Turirimbe Haleluya! Mu mitima yacu huzuy’ ishimwe.