#611
Iyaba uhoraho ataba kumwe natwe
Umuco 2
Couplet 1
Iyaba Uhoraho ataba kumwe natwe isi, iba yaratuyongobeje, Non’Uhoraho Ashimagizwe hose, Yaturengej’ ivyago bikaze, Yaturinz’ amaz’aba yaturengereye, isur’iba yararenz’ ubugingo bwacu; {Yadukijij’ amenyo y’ibingira n’imamba.} x2
Couplet 2
Yesu yarokoy’Ubugingo bwacu buva mu mitego ya Satani, imigabo Satani yateguye yose irapfa, Iman’ Ikiz’Abayo, Imitego yose ya Satan’iracika, Abana b’Imana tubandany’ Urugendo; {Tukurikir’ Inzira Yes’Umwami Yaciye.} x2
Couplet 3
Niy’Urugamba rwiyongeranya cane, Yesu ni We Yam’Aseruka, Agahaguruka kugwanirira yemwe Ihanga yiguze Amaraso, Abana b’Imana tukabon’ Ugutabarwa Mw’Izina ry’Umwami Yesu, ni We Yatsinze; {Akatuzigamira mur’iyo Ntsinzi Yiwe.} x2
Couplet 4
Kensh’iyo Satani azany’ isuri ryinshi, turabish’ amaso kuri Yesu, Tugategerez’ Ugutabarwa yemwe kuva ku Musozi w’Uhoraho, Ni We dutabaza Akaz’ Atabara, Ingamba zose Akazitugwanirira; {Tukibonera neza Intsinzi Yiwe.} x2
Couplet 5
None hahimbazw’ Umwami Yesu, gusa n’Ishimwe nirib’ Iryiwe hose, Ivyaremwe vyose bitazire cane, Uw’inkomez’Ari kumwe natwe, Ni nawe Yumvise ugutakamba kwacu, Yumv’ijwi ry’umuniho w’Abasavyi biwe; {Hanyuma Yururutsa Intsinzi Yiwe.} x2
Couplet 6
Ewe Mwami Yesu Waturinze cane, Ivyatumye benshi bakuvako, Wadushoboje kutakuvira Yesu, Utugumiza mw’Isezerano ryawe, Imitima yacu ntiyasubiy’ inyuma, ntiyatirimuka ngo yizer’izindi mana; {Watugumije mw’Izina ryawe Yesu.} x2
Couplet 7
Mbega Mwami Yesu mvuge gute jewe, ivy’Ishimwe ryawe mbona nkumva? Risuriranya mu mutim’ imbere bitewe, n’intsinzi yawe Yesu. Abameny’ Umwami Yesu kw’Ari We Mana, Twame duca bugufi mur’iryo Zina ryiwe; {Kuko twabonyeh’ Intsinzi Ihebuje.} x2
Couplet 8
Amahanga yose n’abimenye neza, kw’Imana Dusenga ari Yesu, Na Satani nawe n’abimenye, yuko aba Yes’Atazobamunyaga, Satani n’ubimenye ko wamaze gutsindwa Reka je ndirimbe intsinzi y’Uwagutsinze; {N’Umwami Imana ni We Yagutsinze.} x2