#601
Uhoraho ntaco watwimye
Umuco 2
Couplet 1
Uhoraho ntaco watwimye, Iyo turavy’ Igikorwa cawe, Watanguriye ku Musaraba, Ubu twirat’ Intsinzi yawe, Uhoraho twarakwizeye, Ntituzigera dusegenyeshwa, N’ah’imipfunda yosuriranya, Turi mw’Izina ry’Uwanesheje.
Couplet 2
Amaraso yawe Mukiza, Uwuhishuriwe akizera, Ubu ni y’atwoz’ ivyaha vyose, akatugir’ Abana b’Imana.
Couplet 3
Wadukuye habi Mukiza, Dutanguye gusenga Bayali, Ico gih’ijuru ryarakinzwe, Non’ubu wararyuguruye.
Couplet 4
Bamw’ubu baraguhinduye, Bakwitir’ amazina y’abantu, Arikw’ico tuzi ni kimwe, N’uk’utaziger’ uhinduka.
Couplet 5
Shemezwa Yesu n’Uhimbazwe, Ni We wenyene wo Gusengwa, Yesu Kristo w’i Nazareti, Icubahiro kib’Icawe.
Couplet 6
Ijambo ryawe n’iry’Ukuri, Kenshi turasom’ Ijambo ryawe, Rikatwerek’ ibigiye kuza, Tukibaz’abo bizoshikako.
Couplet 7
Non’ubu biri hagati yacu, Ariko Mwami Yesu n’Ushimwe, Ko harih’ amasigarira, Yanse gupfukamira Bayali.
Couplet 8
Raba kand’abana bawe Mwami, Baritegerez’ Ijambo ryawe, N’ukuryumva ndetse bakaryumva, Ariko bikanka ko bizera.
Couplet 9
Uhoraho duh’inkomezi, Zishike ku Bana bawe bose, Dushobore kwizer’ Ijambo, Kuko ni ryo rizotuzamura.
Couplet 10
Umwami Yes’Aratubaza, Kw’ah’ Azohagarara mu bicu, Azosang’ Ukwizera mw’isi, Niwibaze nawe wihanure.