#587

Bene data bakundwa (1)

Umuco 2

Couplet 1

Bene Data bakundwa komez’ ukwiyubara, Mukomez’iyi Nzira y’Ukuri n’Ubugingo; {Ni iya Yesu Kristo ni We Rembo ry’ijuru.} x2

Nta yindi nzira nziza Paulo na Barunaba, Bagiye bigishiriz’ Ishengero ry’Imana; {Iyo yar’Inzira y’Umukiz’ Ahoraho.} x2

Baraganwa b’Umwami ntimwihende na gato, Ntitur’aba Petero cank’aba Paulo; {Tur’Abana b’Imana kand’uko ni ko turi.} x2

Ilusitira har’umugabo yaremaye, ibirenge vyiwe kuva mu nda ya nyina; {Maze Paulo amubonamw’ Ukwizera, kwomukiza.} x2

Ati: “Haguruka n’ibirenge ushikamye”, Umugabo arabaduka atambukana ishimwe; {Ishengero rimubonye Paulo ashirwa hejuru.} x2

Paulo na Barunaba batabur’ impuzu zabo, Bati: “Yemwe bagabo, hindukirir’ Imana Nzima; {Twe tur’abantu nka mwe, tuvug’ Ubutumwa Bwiza”.} x2

Dushingir’intah’ Ijambo ni ko Kuri kwacu, Ukuri n’ukwa Kristo Yatwitangiy’ imbere; {Abanikorayiti bo bigish’ ibinyoma.} x2

Komeza bene Data duhaguruke twese, Mu bushizi bw’amanga impwemu ziceceke; {Abanikorayiti badutse mw’Ishengero.} x2

Intambara tugwana ntabw’ ar’iyacu namba, Dutegereje Kristo Uwanesheje vyose; {Ni We Wenyene: n’Umugabisha w’Intambara.} x2

Uguhishura kwose kuva kwa Yesu Kristo, Uwo ni We mus’Azokwam’ Ashirwa hejuru; {Kuko ni ryo Zina turonkeramw’ Ubugingo.} x2

Jewe nzokwemangira ewe Yesu Kristo, Kuko ni Wewe nabwiwe k’Urengeye vyose; {Kand’ari Wewe nyene Mana nsab’Ihoraho.} x2