#566

N’aho ngendera hagati y’amarushwa

Umuco 2

Couplet 1

Naho ngendera hagati y’amarushwa, Uhorah’ Imana yanj’ Izonzigama, Kukw’ari Yo Yantoranije kera, Ikamp’ Agakiza kayo ku Buntu.

Ngendera mw’isi yiganziwe n’Umubi, kuyibamwo wizera birarusha.

Ariko nzi yuk’Uhorah’ Ahambaye, Ari ku ruhande rw’abamwubaha.

Iyi si ni ko yahoze kuva kera, kuv’icaha kimaze kuyinjiramwo, Abana b’Imana vyamye bibagora, kuko bagwanir’ Ukwizera kwabo.

Is’iraremerewe n’ivyaha vyinshi, nko mu gihe c’i Sodomu n’i Gomora; Harageze kw’Iman’ Itabar’Abayo, Ibakiz’ Uburake bugiye kuza.

Mur’iki gihe tugezemwo ca nyuma, Twebw’ Ab’Imana Yagiriye Ubuntu, Dukwiye kugir’ ikanguro mu mitima, kandi tukuzura na Mpwemu w’Imana.

Ndatakambish’ Uhoraho ijwi ryanje, ijwi ryanje ndaryingingish’ Uhoraho, Nipfuza kugenda nesh’uyu mubiri, Kugira mbeho mpimbar’ Umwami wanje.