#549

Turenguts’imbere yawe

Umuco 2

Couplet 1

Turenguts’imbere yawe Mwami Yesu Emera Uhangaz’ Ihanga ryawe, Ko ryihanganiy’ imibabaro myinshi, Rikemera gushinyagurirwa.

Refrain

Ryabay’umwe nawe Yesu riramatana na We, Ryagez’ ikirenge mu cawe Mucunguzi, {Riracokorerw’ Izina ryawe Yesu Kristo, Ryemera kwambar’ ubusa Mwami.} x2

Couplet 2

N’uturabire mw’Ijambo ryawe Mwami, Tugirir’ Ubuntu n’imbabazi,

Couplet 3

N’utwezesh’ Amaraso Yawe Mukiza, Amwe Wavir’i Gorogota.

Refrain

Hamwe Watangira Mwami Inkwano, y’Umugeni, Ukamucungurish’ Amaraso y’Igiciro, {Amwe Yatangir’i Gorogota ku Musaraba, Uvuga: “Vyose birarangiye”.} x2

Couplet 4

None ga Mwami Yesu: Umukwe w’Ukuri, Ko watugiz’ Umugeni wawe, Duhe guter’ intambwe vy’ukuri Mwami, Twambare twikwize duse nawe.

Refrain

Tub’Ihanga ryawe Mwami riguhimbara Kristo, Tub’Ihanga ry’akaranga Mwami mur’iyi si, {Tugende twambay’ Ubwiza bwawe Yesu Kristo, Uguca bugufi n’urukundo.} x2

Couplet 5

Ewe wa hanga ry’Imana Ihoraho, N’usabe kugendana n’Imana, Kuko ako ni ko karanga k’ingenzi, Kugenda ubaza ic’Imana Ishaka.

Refrain

Tub’Ihanga ryawe Mwami riguhimbara Kristo, Tub’Ihanga ry’akaranga Mwami mur’iyi si, {Tugende twambay’ Ubwiza bwawe Yesu Kristo, Uguca bugufi n’urukundo.} x2

Couplet 6

Yewe mwene Data mukundwa w’Umwami, N’usabir’ Igikorwa c’Imana, Kuko nta kindi washiriwe mw’ihanga, Korer’Imana yawe ukunda.

Refrain

Tugendane nawe Mwami imisi yose Yesu, Ni ho twoshobora gukor’ivy’ Ushaka; {Tugende dukor’ Ukugomba kwawe kwose, Nk’Umugen’ akund’ Umukwe wiwe.} x2