#529

Twebw’abatoranijwe

Umuco 2

Couplet 1

Twebw’Abatoranijwe n’Uhoraho, Nimuze twihangane mu mitima, n’ah’Urugamba rukomeye, Dusab’ Imana Idufashe, kandi tuzotsinda ku bw’Izina ryiwe.

Uhoraho Yaduteguriye Amazimano meza cane, Turya Manu ivuye mw’Ijuru, ikaduha kugend’ Urugendo rwac’amahoro, kukw’Intsinzi Yatangiw’i Gologota.

Ko twagiriw’Ubuntu n’Uhoraho, Akaduhishurir’ Ijambo rizima, Dukomeze Inzira ipfunganye, dutumbereye Umusaraba, kuko ni wo buruhukiro bwacu.

Uhoraho Yaduteguriye Amazimano meza cane, Turya Manu ivuye mw’Ijuru, ikaduha kugend’ Urugendo rwac’amahoro, kukw’Intsinzi Yatangiw’i Gologota.

Ku bw’Ijambo ry’Imana turi bazima, Tugendera mu Ntsinzi y’Umwami, kandi ni W’Atugwanir’ Urugamba, Mur’iyi si iruhije cane, kuko ni We Yayinesheje.

Uhoraho Yaduteguriye Amazimano meza cane, Turya Manu ivuye mw’Ijuru, ikaduha kugend’ Urugendo rwac’amahoro, kukw’Intsinzi Yatangiw’i Gologota.

Ijambo twumva mur’iki gihe, Ritwemeza ko ibihe bikuze, ngo tube maso mu mitima, Twitegurir’ Ukuza kw’Umwami, Ni We Yanesheje Azotuj’ imbere.

Uhoraho Yaduteguriye Amazimano meza cane, Turya Manu ivuye mw’Ijuru, ikaduha kugend’ Urugendo rwac’amahoro, kukw’Intsinzi Yatangiw’i Gologota.

Turi ku musozi uduga cane, Inzir’ iraruhije tube maso, Turindir’ Isezerano ry’Umwami, kuko hasigaye igihe gito, maze Tukamusanganira mu bicu.

Uhoraho Yaduteguriye Amazimano meza cane, Turya Manu ivuye mw’Ijuru, ikaduha kugend’ Urugendo rwac’amahoro, kukw’Intsinzi Yatangiw’i Gologota.