#515
Imana yamy’ar’imana
Umuco 2
Couplet 1
Imana yamy’ar’ Imana, kuva ibihe vyose. Abahanuzi barahishurirwa, bakabwir’ abantu yuko har’Imana, arikw’ abantu bamye ar’abantu, kuko vyabagora kuyizera vy’ukuri.
Refrain
Imana Yaradukunze, isi n’ijuru bitarabaho, kuko mu gihe gikwiye Yaratugendeye, Iratwihishurira mw’Ijambo ryayo Rizima, Iduha kuryizera, Itubwira ko harih’ umusi, Izoza kudutora.
Couplet 2
Uhereye kuri Adamu, ugashika kuri Mose, abana b’abantu bararongorwa, na wa mutima-nama wari mu muntu. Uw’Uhoraho yari yarahay’ umuntu, kugir’ ashobore kumeny’ ukugomba kwayo.
Refrain
Imana Yaradukunze, isi n’ijuru bitarabaho, kuko mu gihe gikwiye Yaratugendeye, Iratwihishurira mw’Ijambo ryayo Rizima, Iduha kuryizera, Itubwira ko harih’ umusi, Izoza kudutora.
Couplet 3
Kuva kuri Mose no gushika kuri Yesu Kristo, abantu barongorwa n’amategeko, kuko bari baravuye mu kibanza. Imana Yari Yarabashizemwo, kuv’Iman’ Irem’umuntu mw’Ishusho ryayo.
Refrain
Imana Yaradukunze, isi n’ijuru bitarabaho, kuko mu gihe gikwiye Yaratugendeye, Iratwihishurira mw’Ijambo ryayo Rizima, Iduha kuryizera, Itubwira ko harih’ umusi, Izoza kudutora.
Couplet 4
Kuva kuri Yesu Kristo, gushika mur’iki gihe, Imana Yaje Yambaye umubiri, Turonk’ Agakiza kubw’ Ubuntu Bwayo, mw’Izina rya Yesu Kristo niho vyose bibonekera, ku bizer’ Ijambo ry’Imana,
Refrain
Imana Yaradukunze, isi n’ijuru bitarabaho, kuko mu gihe gikwiye Yaratugendeye, Iratwihishurira mw’Ijambo ryayo Rizima, Iduha kuryizera, Itubwira ko harih’ umusi, Izoza kudutora.
Couplet 5
Yamar’abana b’abantu, ehe barasubiriye guta rya Jambo Yesu Yadusigiye. Nico gituma bagiz’ amadini menshi, ahuje n’ukwipfuza kwabo kwose, barindiriye kuzocibwa Urubanza.
Refrain
Imana Yaradukunze, isi n’ijuru bitarabaho, kuko mu gihe gikwiye Yaratugendeye, Iratwihishurira mw’Ijambo ryayo Rizima, Iduha kuryizera, Itubwira ko harih’ umusi, Izoza kudutora.
Couplet 6
Hageze ku Kagoroba, nk’ukw’Ijambo ribivuga, Imana Yarungitse Umuco wayo, ng’utugarure ku Kwizera kw’Intumwa no ku Rufatiro rw’Abahanuzi, kuko tugiye kuragw’ Ivyasezeranywe.
Refrain
Imana Yaradukunze, isi n’ijuru bitarabaho, kuko mu gihe gikwiye Yaratugendeye, Iratwihishurira mw’Ijambo ryayo Rizima, Iduha kuryizera, Itubwira ko harih’ umusi, Izoza kudutora.