#494

Inzira yo kugenda mw’ijuru

Umuco 2

Couplet 1

Inzira yo kugenda mw’Ijuru ntiyoroshe, Harimw’ imibabaro n’ingorane nyinshi. Ariko ni twagenda duhonyoz’ ikirenge mu c’Umukiza Yesu, niho tuzoshika.

Umwami wacu Yesu Yarayiciyemwo, kukw’az’ imibabaro, ni W’atugwanira.

Ijambo twama twumva twame turigendera, ni ryo bigwanishwa vyo mu buryo bwa Mpwemu. Ibigatanya vyose tuzobirya butsima,

kumwe Dawidi yanesheje Goliyati.

Dufis’Umugabisha, ni W’Atur’imbere, Ni W’Atuneshereza Intambara zose.

Igihe kiragiye, dukomez’ Urugamba, Kuko twizeye ko rugiye kurangira. Ni dutabaruka turangije Urugamba, Tuzoruhukira muri Yerusalemu.

Turi kumwe n’Umwami wacu Yesu Kristo, Turi muri bwa Bwami bwiwe bwo mw’Ijuru.

Igihe kirashitse, Umwami Yes’Araje, Aje gutwar’Ihanga yaguz’amaraso. Twikangure, twikangure, nguy’ Umwam’Araje, Ibimenyetso vyose vyamaze gushika.

Ngwino Mukiza Mwiza turakunyotewe, Ihanga ryawe ryose ryipfuza gutaha.