#422
Umwami Yesu ariko arakora
Umuco 2
Couplet 1
Umwami Yesu arikw’arakora, Igikorw’agir’akirangize, Arakora yihuta vuba cane, Ngw’adushikane ku gutunganywa, {Abafis’amaso barabibona, Imitima yab’ikuzur’ishimwe, N’ubw’ Inzira yob’ic’aho batumva, N’ukuri nyene ntibarambirwa.} x2
Couplet 2
Tube maso bene Data bakundwa, Twemere kujana n’Umwami Yesu, N’umus’ umw’ agakor’ ibitangaza, Agakora n’ibidasubirwamwo, {Mu bikorwa vyacu vya misi yose, Tumushir’ Umukiza wac’imbere, Tumukundishe n’inkomezi zacu, Ashirw’ imbere mu bintu vyose.} x2
Couplet 3
Umwam’agendagenda mw’Ishengero, Atang’ Ubugingo mu bamukunda, Ahamagara benshi bazimiye, Akabahindur’ Ihanga ry’Abera, {Ishengero ryos’akaryeza cane, Aryezesha Amaraso yiwe, rikuzura Ubuntu n’Imbabazi: N’Ishengero ry’Abera b’Imana.} x2
Couplet 4
Ntidukomantaze imitima yacu, Tumwumvire bicitwa uyu musi, Canke ngo hagire n’umw’ acererwa,
Couplet 5
Ngw’ahez’ abaz’ivy’ Iman’ikora, {Ntihagir’ uwugeragez’ Imana, Mu kutumvir’ Ubuhanuzi bwayo, N’ukuri Imana yacu n’Urukundo, ariko kand’igaca n’Amateka.} x2
Couplet 6
Uwufise vyinsh’ azobazwa vyinshi, Uwufise bik’azobazwa bike, Nta wuzobazw’ ivy’atabikijwe, Dukorane n’umwete tuj’imbere, {Ntidupfish’ Ubuntu bw’Iman’ubusa, Tuyikorere duhind’ agashitsi. Tube maso tugendane na Yesu, Rimw’Azokor’ ibidasubirwamwo.} x2