#392

Mwese muhimbaz’uhoraho

Umuco 1

Couplet 1

Mwese muhimbaz’Uhoraho, Imana n’Uwera Yesu, Yaratanz’amaraso yiwe, Ni W’atwez’icaha cose, {Yemw’abari kure mwese, N’abari hafi muririmbe, Amahor’ahorane namwe, Mw’Izina ry’Umwami Yesu.} x2

Couplet 2

Ubu turi mu munezero, Twicaye mu Bwami bw’Imana, Satani n’iyo yodutera, Umwami ni We Buhungiro, {Haleluya, Yesu n’ashimwe, Ku bw’izina rikomeye, Twararons’ubugingo busha, Mu maraso y’Umukiza.} x2

Couplet 3

Twanyweshejwe Mpwemu w’Imana Adutakisha “Abba Data” Aradusabir’atak’ati: “Data mwiza n’ubafashe” {Dushime, dusab’Uhoraho, Atwambik’ubwo bwiza bwiwe, Amahor’ atarondoreka, Yuzur’ imitima yacu.} x2

Couplet 4

Mwami Yesu n’uz’udufashe, Twongerereze ukwizera, Utwigishe no kugusenga, Twame tunesh’ Umugwanizi, {Duhagarare ku rutare, Rumwe rutanyiganyiga, Udukuze tube bazima, Ntitube nk’imburabwenge.} x2

Couplet 5

Abazima baguhimbaze, Ivyo waremye bigushime, N’ibifis’amajwi vyemeze, Ko Yes’ar’ Uwo gushimwa, {Haleluya, Ubuntu bwawe Yesu, Ni koko buraduhagije, Tuzokwamana na W’iteka, Muri bwa Buntu budashira.} x2