#359

Ko hariho ivyabona vyinshi

Umuco 1

Couplet 1

Ko harihw’ivyabona vyinshi, Vyatwitangiye imbere, Uzokwiregur’ute none, Kur’urya musi w’urubanza? Urubanza ruzogutsinda!

Ishikanire Yesu uk’uri kwose, Ni We yagucunguye, Ni na W’azokuburanira.

Amatungo ntakuzibire, Cank’icubahiro cawe, Dawidi ivyo yar’abifise, Ariko yayobots’Imana, Yamaz’urugend’amahoro.

Ubwo n’aho Yesu yari Imana Nzima, Yaraciye bugufi, Yabay’akarorero keza.

Ubworo ntibukuzibire, Canke ibigeragezo, Na Yobu yarabiciyemwo, Ariko ntiyacobogoye, Yashitse mw’ijur’amahoro.

Kumeny’Imana biruta ivy’isi vyose, Wihanganire vyose, Mw’ijur’uzob’ur’umutunzi.

Kw’isi har’abizera benshi, Musangiye ingorane, Ntusimbwe rero n’umutima, Iyo ni yo ntambw’ugezeko, Ugir’intsinzi mu mutima.

Urwo ni rwo Rugamba, ari yo Nzira, Yesu Azogukuza, Uzoshika ku gutunganywa.