#290

Uru rugendo ndimwo

Umuco 1

Couplet 1

Uru rugendo ndimwo, Mpura n’ingorane, Uru rugendo ndimwo, Mpura n’intambara, {Ariko ico nzi n’uko, Yesu yanesheje.} x2

Ni co gituma ntatinya, Ntewe na Satani, Iyo andas’imyampi, Sinterwa n’ubwoba, {Kuko nzi k’Uhoraho, Azongwanirira.} x2

Uru rugendo ndimwo Sinihamagaye, Uru rugendo ndimwo, Narahamagawe, {Umwami wanje Yesu, Ni We yampamagaye.} x2

Ni co gituma ntatinya, Ntewe na Satani, Iyo andas’imyampi, Sinterwa n’ubwoba, {Kuko nzi k’Uhoraho, Azongwanirira.} x2

Naho ibigeragezo, Vyoba vyinshi cane, Umutima wanje, Ntuzonyiganyiga, {Kuko Uwanesheje, Ari imbere yanje.} x2

Ko nageze mu kiganza, C’Umwami wanje Yesu, Nta na kimwe gishobara, Kuzohankura, {Nazirits’umutima, Wanj’ahera cane.} x2

Umus’umw’ Urugendo Nzoruheraheza, Nzoruhuk’ imiruho, Yo mur’iyi si mbi, {Nzobonana na Yesu, Amaso mu yandi.} x2

Sinzoba ngisubira, Kurira ukundi, Ingorane z’aha mw’isi, Zizokwibagirwa, {Nzibanira na Yesu, Tutagitandukana.} x2