#270

Har’umuryango wuguruye

Umuco 1

Couplet 1

Har’umuryango wuguruye, Ntawushobora kuwugara, N’iyo wugaye ntawugurura, Nyenewo n’Umunyenkomezi.

Ewe Muryango Mwiza, Ewe Mwungere Mwiza, Abaguciyeko bose, Bafis’Ubugingo budashira, Kuko bumvis’ijwi ryawe.

Uwo ni w’intama zicamwo, Iyo zigiye mu canya, N’iyo zigiye mu buraro, Ego n’Umuryango w’intama.

Ewe Muryango Mwiza, Ewe Mwungere Mwiza, Abaguciyeko bose, Bafis’Ubugingo budashira, Kuko bumvis’ijwi ryawe.

Ayandi masho ntawucamwo, N’iy’ageragej’ arananirwa, Kuk’umuryango n’uw’abumva, Ijwi ry’Umwungere w’intama.

Ewe Muryango Mwiza, Ewe Mwungere Mwiza, Abaguciyeko bose, Bafis’Ubugingo budashira, Kuko bumvis’ijwi ryawe.

Uwo muryango ni Yesu Kristo, Kandi n’Umwungere w’intama, Ntawinjir’atari kuri We, Kukw’ari W’az’intama ziwe.

Ewe Muryango Mwiza, Ewe Mwungere Mwiza, Abaguciyeko bose, Bafis’Ubugingo budashira, Kuko bumvis’ijwi ryawe.

Ni W’aj’imbere y’umukuku, Akaziyobora mu canya, Kandi ni We azij’inyuma, Ngw’azirinde umwansi mubi.

Ewe Muryango Mwiza, Ewe Mwungere Mwiza, Abaguciyeko bose, Bafis’Ubugingo budashira, Kuko bumvis’ijwi ryawe.

Mwene Data emera ub’intama, N’iyiragirwa igacurwa, Mu muryango ayandi masho, Agejeje arananirwa.

Ewe Muryango Mwiza, Ewe Mwungere Mwiza, Abaguciyeko bose, Bafis’Ubugingo budashira, Kuko bumvis’ijwi ryawe.