Uwirata yirate Kristo — Umuco 1 #174

Couplet 1

Uwirata yirate Kristo, Uwirata yirate ubuntu, Nico cirato nyakuri, Kukw’inyama n’amaraso, Bitazoragw’ubwami bw’Imana.

Refrain

Uko nik’Uhoraho agize, Umunyabwenge yoye... kwirata ubwenge bwiwe, Umunyenkomezi yoye... kwirat’inkomezi ziwe, Cank’umutunzi yoye... kwirat’ubutunzi bwiwe, {Arik’uwirata yirate... ko yamenye, Uhoraho n’ubushobozi bwiwe.} x2

Couplet 2

Uhoraho ni We umutima, Wawe ukwiriye kwirata, Abaciye bugufi bazovyumva, Banezerezwe n’ico, Ico nico Uhoraho ashaka.

Refrain

Uko nik’Uhoraho agize, Umunyabwenge yoye... kwirata ubwenge bwiwe, Umunyenkomezi yoye... kwirat’inkomezi ziwe, Cank’umutunzi yoye... kwirat’ubutunzi bwiwe, {Arik’uwirata yirate... ko yamenye, Uhoraho n’ubushobozi bwiwe.} x2

Couplet 3

Ni We yakwerets’ iciz’ic’ari co, Akwerek’ivy’ umuhezagiro, Akwereka ivy’umuvumo, Ni We vyirato vyawe hose, Ugendane nawe wicishije bugufi.

Refrain

Uko nik’Uhoraho agize, Umunyabwenge yoye... kwirata ubwenge bwiwe, Umunyenkomezi yoye... kwirat’inkomezi ziwe, Cank’umutunzi yoye... kwirat’ubutunzi bwiwe, {Arik’uwirata yirate... ko yamenye, Uhoraho n’ubushobozi bwiwe.} x2

Couplet 4

Ni W’aduha kuba muri Kristo, Yaduhindukiy’ubwenge nyakuri, Yaduhindukiy’ukugororoka, Kugira ngo tubone gucungurwa, Ng’uwirata yirate Kristo.

Refrain

Uko nik’Uhoraho agize, Umunyabwenge yoye... kwirata ubwenge bwiwe, Umunyenkomezi yoye... kwirat’inkomezi ziwe, Cank’umutunzi yoye... kwirat’ubutunzi bwiwe, {Arik’uwirata yirate... ko yamenye, Uhoraho n’ubushobozi bwiwe.} x2

Couplet 5

Uwirata yirat’Uhoraho, Kukw’umuntu yishimagiza, Atari we yemererwa namba, Ariko hemerwa uw’Umwami, Ni We vyirato vyawe hose.

Refrain

Uko nik’Uhoraho agize, Umunyabwenge yoye... kwirata ubwenge bwiwe, Umunyenkomezi yoye... kwirat’inkomezi ziwe, Cank’umutunzi yoye... kwirat’ubutunzi bwiwe, {Arik’uwirata yirate... ko yamenye, Uhoraho n’ubushobozi bwiwe.} x2