#126

Turi mu musi wa gatandatu

Umuco 1

Couplet 1

Turi mu musi wa gatandatu, Ku kagoroba k’uwo musi, Bugira bwire ku banyakibi, Tugira turangize uwo musi, {Twinjire mu musi w’indwi.} x2

Couplet 2

Abana b’Imana b’ibihe vyose, Ntibigeze bary’umutsima wambiwe, Birinda cane umusemburo, Bama barya umutsima utambiwe, {Hamwe n’imboga zirura.} x2

Couplet 3

Turi hafi kumar’imis’itandatu, Turi mu bugaragwa bw’iyi si, Ba sokuruza barasinziriye, Ba Simeyoni, ba Daniyeli na ba Paulo, {Bararuhutse uko bari bose.} x2

Couplet 4

Turi hafi kumar’imis’itandatu, Tugira turangiz’urugendo, Dufis’isezerano rizima, Ry’igihugu c’i Siyoni iyo mw’Ijuru, {Aho tuzegukira twese.} x2

Couplet 5

Ncuti yanje ni wihangane, Turi mu ntambara y’iherezo, Tugira twegukir’igihugu, I Yeriko hagiye gusenyuka, {Twinjire mw’isezerano.} x2

Couplet 6

Ntunanirwe n’iherezo ry’ubugaragwa, Kandi warashoboye itanguniro, Ivyo wakoze Iman’irabizi, Ntunanirwe ng’uvyice vyose, niwihangane, {Iman’izobiguhembera vyose.} x2