#38

Mwami Yesu je ndagusavye

Umuco

Couplet 1

Mwami Yesu je ndagusavye uhumur’amaso abana bawe, tubon’ibitangaza vyawe ukora vyo mur’iki gihe cacu.

Turusheho kukubona Mwami mu mitima yacu, turusheho kukubona Mwami ibihe vyose.

Kangur’ abana bawe mur’iy’isi ntiturabe kubir’inyuma, ariko turabe kubir’imbere birimwo ubugingo n’amahoro.

Turusheho kukubona Mwami mu mitima yacu, turusheho kukubona Mwami ibihe vyose.

Urusheho kuduhumura amaso tubone amasezerano yawe, ab’ari yo atubera umuco udushikana mw’ijuru.

Turusheho kukubona Mwami mu mitima yacu, turusheho kukubona Mwami ibihe vyose.

N’uturongore mur’iy’inzira duhonyore mu kirenge cawe, niho tutazota ya nzira nziza itujana mu bugingo.

Turusheho kukubona Mwami mu mitima yacu, turusheho kukubona Mwami ibihe vyose.