#92
Urukundo rw’imana rurakomeye bene data
Impimbano
Couplet 1
Urukundo rw’Imana rurakomeye bene Data; Rutumesha kw’Imana iri ku ruhande rwacu, uwotugwanya yoba nde? Itimanye Umwana wayo ikamutanga ku bwacu, {Izobur’ite kutugabirira vyose muri We?} x2
Refrain
Hahimbazw’Izina ry’Umwami Yesu Kristo, Agarurirw’ Amashimwe yose. Avugwe mu bugingo bwacu bene Data, Ahabw’ ikibanza ca mbere.
Couplet 2
Ninde azoreg’abo Imana Yatoranije, n’Imana kand’ari Yo Ibatsindanishiriza? Mbega ninde azobatsindisha? {Mbega ni Yesu kandi ari We Yadupfiriye?} x2
Refrain
Ibiruta Yarazuts’ar’i buryo bw’Imana, bitayeko ahor’adusengera. Tunezerwe yemwe bene Data bakundwa, Umwami Yesu Yaranesheje.
Couplet 3
Nind’azodutandukanya n’Urukundo rwa Kristo? Mbega n’amarushwa canke n’ivyago vyinshi, canke n’uguhamwa, inzara no kwambara ubusa? {Mbega n’ukuba mw’irinde canke se n’inkota?} x2
Refrain
Umwami wacu Yesu Ahabw’ Icubahiro, kuko turushishwaho kunesha, n’Uwadukunz’ Akadutsindir’ Urupfu. Kuko menye neza ntakekeranya, kw’atacodutandukanya n’Urukundo rw’Umucunguzi wacu Yesu.
Couplet 4
Naho rwob’urupfu cank’ ubugingo n’abamalayika, cank’ abaganza, ibiriho canke ibizoba cank’abafis’ ubushobozi, burebure bw’amajepfo, ikindi caremwe cose, atakizodutandukanya {n’Urukundo rw’Imana ruri muri Kristo Yesu.} x2
Refrain
Umwami wacu Yesu Ahabw’ Icubahiro, kuko turushishwaho kunesha, n’Uwadukunz’ Akadutsindir’ Urupfu. Kuko menye neza ntakekeranya, kw’atacodutandukanya n’Urukundo rw’Umucunguzi wacu Yesu.