#163
Urukundo rwiwe rwinshi Rwamuzanye mur’ iyi si
Ikirundi
Couplet 1
Uhereye kera hose Yesu yamy’ ari mw ijuru Ar’ i buryo bg’ Uhoraho, Ni yo Man’ isumba vyose.
Couplet 2
Urukundo rwiwe rwinshi Rwamuzanye mur’ iyi si, Avuka nk’ abandi bantu, Ashir’ ubgan’ arakura.
Couplet 3
Akuze yigish’ abantu Ivy’ Imana vyiza vyose, Abarwaye bamwizeye Yabakiz’ ivyago vyabo.
Couplet 4
Kandi yakiz’ ibimuga Abibgiy’ ijambo gusa, Yakor’ abanyamibembe, Bamwizeye bagakira.
Couplet 5
Kandi n’abari bapfuye Yashobora kubazura, Nta ho Yesu vyamwankira Gukiz’ umunt’ amwizeye.
Couplet 6
Kand’ ikirut’ ivyo vyose Yakunda kubgir’ aboro Ivy’ urukundo rw’ Imana, N’agakiza kadashira.
Couplet 7
Maz’ abantu babi cane Batemey’ ivyo yavuze, Baterwa n’ishari ryinshi Kumufata no kumwica.
Couplet 8
Babamb’ Umukiza wacu Ku musaraba w’isoni, Bamutoboy’ ibiganza Yakirish’ abababaye.
Couplet 9
Nuko yaradupfiriye Ngw adukiz’ ivyaha vyacu, Aja mu gishingo cacu; N’umunyarukundo rwinshi.
Couplet 10
Kand’ uz’ ah’ ar’ amwizeye Ntiyobura kumwakira; Yarasezeranij’ ati Sinzirukan’ uj’ aho ndi.