#393
Yesu tugushimir’ Abera bawe
Gushimisha
Couplet 1
Yesu, tugushimir’ Abera bawe, baguhimbarishaga kukwizera, none bari mu Buruhukiro: Mwami wacu Yesu, tugushime cyane!
Couplet 2
War’Igihome cyabo n’Urutare, War’Umugaba wabo ku Rugamba, n’izuba ryabo ryo mu mwijima. Mwami wacu Yesu, tugushime cyane!
Couplet 3
Nkuko bagirag’ ubutwari bwinshi, kurwana kwacu natwe kube kwiza. Tuzahanwe na b’Ingororano; Mwami wacu Yesu, tugushime cyane!
Couplet 4
Gufatanya na bo kwacu ni kwiza; Bafit’ubwiza: twe tugir’inenge; Dusangira na bo Databuja. Mwami wacu Yesu, tugushime cyane!
Couplet 5
Iyo tugiye gucogozwa rwose n’Intambar’ idasiba, ni bwo twumva Impundu zabo, tugakomera. Mwami wacu Yesu, tugushime cyane!
Couplet 6
Dor’ubugingo bwacu ni nk’umunsi; Bugiye kwira, maze turuhuke; Tuzabon’ Amahoro mw’Ijuru. Mwami wacu Yesu, tugushime cyane!
Couplet 7
Bukeye hazaz’undi munsi mwiza, bazazuka bafit’Ubwiza bwawe; Umwami Yes’Azazana na bo, Mwami wacu Yesu, tugushime cyane!
Couplet 8
Kand’Azakir’ Intore ze zo mw’isi ku mpera y’isi hos’Aziteranye, zijye mw’Ijuru zimusingiza. Mwami wacu Yesu, tugushime cyane!