#81
Tutumbishayi Yesu
Coll. des Cantiques
Couplet 1
Tutumbishayi Yesu, Mfumu wa mfumu yonso, Mukalenge wa Butumbi, Nzambi wa tshiendelele; Bikondo ne bikondo, Kena ushintuluka Ne kena ukulakaja, Yeye udi momumue.
Refrain
{Yesu Kilisto atumbe} x2 Mu diulu ne pa buloba, Atumbe tshiendelele, Mfumu wa ba mfumu, atumbe!
Couplet 2
Diulu ne buloba ne Mayi manene onso, Mitoto, diba ne ngondo, Ne bidi momu bionso; Bifukibua bia Yesu, Tutumbishayi Yesu, Tuzanjikayi Kilisto Mu butumbi kashidi.
Refrain
{Yesu Kilisto atumbe} x2 Mu diulu ne pa buloba, Atumbe tshiendelele, Mfumu wa ba mfumu, atumbe!
Couplet 3
Banunu ne bansonga, Balume ne bakaji, Banene nansha bakese, Babanji ne bapele; Bamfumu ne bapika, Ne badishikamine, Bonso tutumbishayi Yesu, Mukalenge munene.
Refrain
{Yesu Kilisto atumbe} x2 Mu diulu ne pa buloba, Atumbe tshiendelele, Mfumu wa ba mfumu, atumbe!
Couplet 4
Bumfumu bua Kilisto Budi bua tshiendelela, Ne bukalenga bua Yesu Kabuena ne ndekelu; Makokeshi a bantu Adi mu Tshianza tshiandi, Ne Yeye udi ku mutu Kua makokeshi onso.
Refrain
{Yesu Kilisto atumbe} x2 Mu diulu ne pa buloba, Atumbe tshiendelele, Mfumu wa ba mfumu, atumbe!