#239

Hari igihugu ciza twasezeraniwe

Umuco

Couplet 1

Har’Igihugu ciza twasezeraniwe, iyo ndakibonye kiranezera; mbega weho ncuti uragisasirira? Abera bapfuye bakiciteze.

Refrain

Benshi bazoririmba Ishimwe ryiza, bicaranye n’Umwami w’Abami, bazov’ iburasirazuba abandi bave iburengerazuba, hazob’ Umunezero mwinshi cane, ku bogejwe n’amaraso.

Couplet 2

Ndatangajwe n’Ubuntu nagiriwe, kuzotah’ Ubukwe bw’ Umwagazi; Abera bazambar’ ibitako, nta ndobeke izobicaramwo.

Refrain

Bazogendagenda imisozi myiza, bagendanirwa n’abamarayika, tuzumv’ inkuru nziza z’abahizi, bamwe baduciriye inzira Ubwiza bw’Umukiza wacu Yesu, buzotwibagiza imibabaro.

Couplet 3

Tuzumv’inkuru nziza za Daniyeli, Shaduraki hamwe na Meshaki, ingene bashinze intahe mu muriro, mbega mwene Data uzoba uhari.

Refrain

Mbega Umunezero mwinshi cane, gusangira hamwe vino nziza, tuzumv’ intahe za Paulo, ingene yarwaniy’ Ukwizera (kwiwe) hazoba har’ Impundu n’Amahoro, iyo tuzoba iminsi yose.