#736
Abantu bagendera mu mwiza
Umuco 2
Couplet 1
Abantu bagendera mu mwiza Abandi bagendera muvy’umuco {Abandi bakimenyereza ibinyoma n’akadenderezo.} x2
Couplet 2
Hahirw’abatamira mu Mwami Batavang’ukuri n’ikinyoma {Bashima kuryama ku mavu bategerez’impuhwe z’Umukiza.} x2
Couplet 3
Nkuko Yesay’abwira Damasiko na Samaliya ko hazogesezwa {Niko n’umugen’ategereje izamurwa n’ibihembo vyiwe.} x2
Couplet 4
Mwene data wakunzwe n’Umwami Terez’amas’inyuma wirabire {Ibitangaza Yesu yakoze, n’ivy’ukuri n’akaburarugero.} x2
Couplet 5
Ndashimira cane Uhoraho Imbabazi ziwe yangiriye {Nar’uwo gucirwa kw’iteka, nar’umunyavyaha monogoje.} x2
Couplet 6
Enda rero mwene data hindura Ingendo zawe ah’uri hose {Wahor’ukora nk’umunyedini, uce bugufi, Yesu Krist’akore.} x2
Couplet 7
Kwikengera kwifat’uko utari Uburyarya no kwiyorobeka {Nantaryo tubiter’umugongo, ubwiza bw’Umwami Yesu bushike.} x2
Couplet 8
Nkuko dusoma muri Matayo Yesu yinjira murusengero {Ahindira hanz’abadandaza, n’abo bose bahumany’ishengero.} x2
Couplet 9
Niko bimeze mu gihe turimwo Ah’Ijambo ry’Imana rivugwa {Abaryubaha bagaca bugufi, abarigaya bagapf’imitima.} x2
Couplet 10
None rero ga ntama z’umukiza Dutegere duteg’ugutwi {Ah’Ijambo ry’Imana rivugwa, turyumvire ritwiyoborere.} x2
Couplet 11
Turindire tudakekeranya Umuzo wa Yesu Kristo gusa {Ntidushire kure Bibiliya, tuyisunge n’inkinzo y’ukuri.} x2