#664

Ndagusavye mukiza Yesu

Umuco 2

Couplet 1

Ndagusavye Mukiza Yesu, Wumve uku gutaka kwanje, Kukw’ Indirimb’ idudubiza, Mu mutima wuzuy’ Ishimwe.

Watanz’ Amaraso ku bwanje, Ku Musaraba i Gologota, Unkura ibwina kwa Satani, Mw’itanure ryak’umuriro.

Kuko narajimijwe cane, Njakarir’ Umwansi Satani, Maze Uc’Umfat’ Ukuboko, Unshikura mu vyara vyiwe.

Reka nsuk’uyu munezero, Wuzuye mu mutima wanje, Ndirimbe nitera hejuru, Narazutse mva mu bapfuye.

Baragow’abakozi babi, bazimiza abana bato, Kuko bazoboherw’ urusyo, rwo kw’izosi bagwe mu nyenga.

Satani yabahumy’amaso, Nta n’udusoni bagifise, bitobekeranij’ umwampi, mu mutima batabizi.

Har’amadini menshi cane, anyuranya rwose n’Ijambo, Mbega bazohungira hehe, Yes’Avuz’ati: “Sindabazi”?

«Twirukany’amadayimoni, twasenga no mw’Izina ryawe, twakoz’ ibimenyetso vyinshi» Ati: «Mviraho, Sindabazi».

Umuco w’Ukuri waratse, Wakira mur’iyi si yose, Ushir’ ahabona ikinyoma, Satani aramaramara.

Mbeg’abawubonye ni ba nde? Ni mwebwe Abatoranijwe, Nay’abana. bo kuranduka, bazokwama bari mu Mwiza.

Nezerwa Mugeni Wakunzwe, Kuk’uri hafi yo gutaha, Ikibanza kirateguwe, N’Igitsibo Kirateguwe.

Haleluya Yesu n’Uwera, N’Iman’ Ihishur’ Amabanga, N’Umwunger’ Az’Intama Ziwe, Iziwe zose zikamumenya.